Şöyle bî-tâb olmuş ol meh-pâre tâb-ı rûzeden

Şöyle bî-tâb olmuş ol meh-pâre tâb-ı rûzeden

Fark olunmaz kâmet-i ham gurre-i yek-rûzeden

Turfa sihr etmiş zemîn-i ârız-ı gül-fâmına

Bir çemenzâr eylemiş peydâ rek-i fîrûzeden

Olma cûyâ-yı kerem keff-i liʿâm-ı asrdan

Neş'e-hâh olmak revâ mı kâse-i deryûzeden

Menhec-i ilmin nice hasm olmasın erbâbına

Çarhı pâ-mâl etmedir kasd âsmânî mûzeden

Söyleyin sâkîye öldükde Nedîm-i zârına

Eylesin tahmîr-i hışt-ı lahd hâk-i kûzeden