Şâhid-i gül bâğda çün geydi gül-gûn pîrehen

Şâhid-i gül bâğda çün geydi gül-gûn pîrehen

Tügmeler takındı aña zînet içün goncadan

Gerçi kim ağız bir itdi güller ile goncalar

Ol şeker-leb söze gelse anlara değmez sühan

Salını seyr-i gülistân eyleseñ yüz nâz ile

Şâhlarda salını kalur göricek yâsemen

Göricek güller yoluña dökilüp saçılduğın

Varını ol dem nisâr itdi ögüñde nesteren

Tâ ki ol gül-ruh gelüp seyr-i gülistân eyleye

‘Avnîyâ dâyim ter olsun eşk-i çeşmüñle çemen