Şu`le-i meyle döner şem-i fürûzâne kadeh

Şu`le-i meyle döner şem-i fürûzâne kadeh

Şem `iken yine ider cünbüş-i pervâne kadeh

Düşeli `aks-i ruh-ı yâr şarâb-ı nâba

Reşkden kaldı çeh-i Yûsuf-ı Ken`ân’a kadeh

Pür iken bâde ile benzer idi `ârızına

Ser-nigûn eylediler döndi zenehdâne kadeh

Bize lâzım degül ey çarh bu nüh peymâne

Cümleden yegdi gireydi ele bir dâne kadeh

Her biri dâ im el üstünde tutar Yahyâ'veş

Çok bulunmag ile gam günleri yârâna kadeh