Şu denli bâde-i ter verdi reng ü tâb sana

Şu denli bâde-i ter verdi reng ü tâb sana

Meğer ki var ise gülgûnedir şarâb sana

Şikest-i gamzen iken sâkıyâ senin pûlâd

Tahammül eyleye mi beyza-i habâb sana

Nigâh-ı şule-i rûyun olur bana mâni

Şuâ-i mihrden olmuş meğer nikâb sana

Derûn-ı âyîneye tâb-ı talatın sığmaz

Revâdır âyîne olursa âfitâb sana

Şuâ-i mihri dil âyînesine ey Nefî

Düşelden oldu muhassal bu ıztırâb sana

Nef'î