Şikâyet cevr-i dil-berden dil-i şeydâyı söyletseñ

Şikâyet cevr-i dil-berden dil-i şeydâyı söyletseñ

Günâh andan yine ol şûh-ı bî-pervâyı söyletseñ

Firâk-ı câm-ı la’ lüñle ne çekdi sâgar-ı gamdan

Ne kanlar yutdı görseñ gonca-i ra’ nâyı söyletseñ

Leb-i la’ lüñle mey bahsinde gavgâ hadden aşmışdur

İşitseñ kîl ü kâli şîşe-i sahbâyı söyletseñ

Hadîs-i aşkı harf u lafz ile kılmaz edâ ammâ

Ne ra’ nâ söyler ol ma’ nâyı çeng ü âyı söyletseñ

Nebât-ı hatt u kand-i la’ 1-i nâbuñ düşmez agzından

Biraz gûş eyleseñ tûtî-i şekker-hâyı söyletseñ

Ne dillerden ne dürler dökdügin deryâ-sıfat görseñ

Hurûş u cûş ile bir gün dil- i danâyı söyletseñ

Kelâm-ı ‘ aşk ey Bâkî ser-â-ser sırr-ı vahdetdür

Murâdı cümlenüñ birdür bütün dünyâyı söyletseñ