Şem‘-i ruh-ı cânâna pervâne benim şimdi

Bak içdigim al kana mestâne benim şimdi

Feryâdımı gûş eyle ‘uşşâkı hamûş eyle

Gel bâdeyi nûş eyle hum-hâne benim şimdi

Ol zülf-i semen-bûya meyl itdi dil ebrûya

Baglandım o gîsûya dîvâne benim şimdi

Âlem bilür esrârım yokdur benim agyârım

Bilmez mi o dildârım efsâne benim şimdi

Aşkıñla harâb oldum dünyâda seni buldum

Biñ kez boşanup toldum peymâne benim şimdi

Âsâr-ı Nesîbâ'yı Leylâ'ya idüp tahrîr

İtdim anı ben tanzîr bir dâne benim şimdi

Olduñ ise üftâde mey virme sakın yâda

Hum-hâne-i Monlâ'da mey-hâne benim şimdi

Son Yazılar