Şeb-i visâli idüp mâh-tal`atun pür-nûr

Şeb-i visâli idüp mâh-tal`atun pür-nûr

Göründi ehl-i dile yine bezm-i `ayş u sürûr

O nûr-ı dîde ki ide bezm-i `işreti teşrîf

Sevâd-ı dîde olur `âşıka şeb-i deycûr

Bahâr ola şeb-i meh-tâb ola hemân işidün

Ne nagmeler ide gülşende bülbül-i mehcûr

Irişdi vakt-i safâ sâkiyâ getür bezme

Sakın sakın ki olur hâtır-ı kadeh meksûr

Temâm gîcesidür bezm-i `işretün Yahyâ

Şarâb-ı şevk ile pür oldı sâgar-ı billûr