Şarâb-ı ‘aşk-ıla sen gel bizi mest eyle ey sâkî

Şarâb-ı ‘aşḳ-ıla sen gel bizi mest eyle ey sâḳî

Göñül pervânesi şem‘a göyünsün görsün işrâḳı

İlâhî ḳudretiñle ḳıl münevver ḳalb-i insânı

Beşer fehmi ḳalup ‘âciz unutsun mekr-i âfâḳı

Maḥabbet nûrı-y-la pür ḳıl müzeyyen cism gülzârın

Görüp cân bülbüli ötsün oḳısun ḥüsn-i esbâḳı

Revâ ḳıl rûḥ-ı sulṭânı musallaṭ yedi iḳlîme

Acem Rûm u Yemen şâhı bize eylemesün daḳı

Yedi ismiñ ṭoḳuz burca ḳılursa ḥükmini cârî

Semâvât üzre a‘lâdan ḳurulsun nûr-ı eṭbâḳı

Yedi deryâ yedi dayre yedi ḳat gök ṭoḳuz eflâk

İçinde tevḥîd-i ẕâtıñ bulunsun cümle revnâḳı

Sinân Ümmî bugün ḳalbe umar senden naẓar yâ Hû

Selâmet eyle yâ Rabbi çü sensin Ḳâdir ü Bâḳî