Ümmîd-i hâb `âşıka olmaz hayâl imiş
- Enes
- 9 Ara 2019
- 1 dakikada okunur
Ümmîd-i hâb `âşıka olmaz hayâl imiş
Bî-çâre yâri düşde de görmek muhâl imiş
Zülfi ucından eyler idüm âh u nâleyi
Ol dahı bir benüm gibi âşüfte-hâl imiş
Göstermedi ruhın bize ol gonce bir zamân
Sonra açıldı vechini bildük ki âl imiş
Aglarsa dîde vechi var efgân-ı dil nedür
Ol hod hemîşe mahrem-i bezm-i visâl imiş
Dermân olursa senden olur ey tabîb-i cân
Yahyâ-yı haste-hâl `aceb bî-mecâl imiş
Comments