Özün ey dil yukardan sanma çün bir mâh-pâren yok

Tutalum câm-ı atlas kendü olmuşsun sitâren yok

Seni ârifler ilzâm itmesün ey sâkî-i kahve

Ko bahs-i câm u fincânı bilürsin hod idâren yok

Hele emvâc-ı deryâ-yı gam-ı dünyâyı bilmezsin

Senün dervîş eginünde egerçi sof u hâren yok

Dehânum hokkasındandur devâsı derdünün dirsin

Tabîbüm ben de bildüm haste-i hicrâna çâren yok

Belürmez zahm-ı tîg-i gamzesiyse dilde ey Yahyâ

Ne bilsün yâr hâlün zâhirâ sînende yâren yok

Son Yazılar