Öyle mi nâzik geçer ol gamze-i câdûfirîb

Öyle mi nâzik geçer ol gamze-i câdûfirîb

Âşıka zahm urduğun idrâk ede anın rakîb

Ol ilâc etmekte âciz derdimin meftûnu ben

İkimiz de kurtulurduk geçse dermândan tabîb

Yâ bu gün olmuş yâ erte çekmeyiz vuslat gamın

Yârdır çünki bize dünyâ vü ukbâdan nasîb

Cezbe-i hüsne nice tâkat getirsin ehl-i aşk

Bir nigâh-ı germe döymez bin cihân sabr ü şekîb

Yâr u bîgâne müsellem tutsa ey Nefî nola

Şiirimin hep âşinâdır lafzı manâsı garîb

Nef'î