Çâk-ı sînem seyl-i eşkün dem-be-dem vâdîsidür

Çâk-ı sînem seyl-i eşkün dem-be-dem vâdîsidür

Suları hûnin akarsa nola gam vâdîsidür

Deşt-i `aşkun hâtemiyken Kays mihmân olmadı

Bilmedi Leylâ ki ol vâdî Kerem vâdîsidür

Ka`be-i vasl isteyen elbette ugrar cevrüne

Ol tarîkün vâdi-i nârı sitem vâdîsidür

Hânümân-ı hüzni vîrân eylesün seyl-âb-ı mey

Bâde aksun gelsün ey sâkî bu Cem vâdîsidür

Peyrevi olup nola Yahyâ tetebbu` eylesem

Bu zemîn bir kâmil-i `âlî-himem vâdîsidür