Çâk oldı yakam cevr-i firâvânuñ elinden

Sad-pâre iken dâmen-i dil anuñ elinden

Kaddüm bükilüp derdüñ ile döndi kemâne

Kullâb-ı ser-i zülf-i perîşânuñ elinden

İl bezm-i vefâñ içre safâlarda velî ben

Kanlar yudarın sâkî-i hicrânuñ elinden

La’ l-i leb-i dildâra özin nisbet idelden

Âzürde-dilem pençe-i mercânuñ elinden

Ey nice ser-efrâzlaruñ kellesi tûpı

Galtân ola bu ‘ arsada çevgânuñ elinden

Fâş itmez idi râz-ı dili Yûsuf-ı Ken’ ân

Çâk olmasa dâmânı Züleyhânuñ elinden

Bâkî nice bir fâhteveş bâg-ı belâda

Nâlân olam ol serv-i hırâmânuñ elinden

Son Yazılar