Çihresinde görinen sanmañ o hûnînüñ dehân

Çihresinde görinen sanmañ o hûnînüñ dehân

Âşıkın kurbân iderken sıçramış bir katre kan

Bâga sen serv-i revânı bir kadem bassun diyü

Hayli dökildi saçıldı yoluña berg-i hazân

Görinen encüm degül gûyâ hazân evrâkınuñ

Aksidür âyîne-i eflâke düşmişdür ‘ ayân

Al ele câm-ı şarâb-ı la’ l-fâmı lâlevâr

Eylesün derd-i hased rûy-ı ‘ adûyı za’ ferân

Gelmeye sen gül-’ izârı vasf ider bülbül-sıfat

Gülsitân-ı ‘ âleme Bâkî gibi bir nükte-dân