Çeşmin gibi bir sâhir-i pür-gunc bulunmaz

Hattın gibi bir nüsha-yı nîrenc bulunmaz

Hüdhüd gibi binâ gerek onu arayanlar

Vîrâneye bûm olmağ ile genc bulunmaz

On bir yaşına girmiş o meh-pâreyi gördüm

Kim dedi ki âlemde şeş ü penc bulunmaz

Limonî hıtâyîde o pistâna nigâh et

Hiç böyle celî şaʿşaʿa nârenc bulunmaz

Eyyâm-ı heremde tutalım genc bulunmuş

Âdem o zamân neyleyeyim genc bulunmaz

Âsân değil ol şûhu azâyimle de teshîr

Te'sîrli nîrenc de bî-renc bulunmaz

Arzet güherin âsaf-ı zî-şâna Nedîmâ

Her bâr bu mesnedde sühan-senc bulunmaz

Nedîm

Son Yazılar