Çeşm mest gamze mest ol gözleri fettân mest

Çeşm mest gamze mest ol gözleri fettân mest

Olmasun mı bezm-i `aşkun hem-demi her an mest

Bana bir hâlet gelür kim bezm-i gülşen sanurum

Gül gibi çâk-ı girîbân eylese cânân mest

Cân figân u nâle eyler ten yolında hâksâr

Bâde-i `aşkıyla yârün oldı cism ü cân mest

Ehl-i bezme câm-ı la`li şöyle te'sîr itdi kim

Bâde-i pür-şûr mest ü sâgar-ı gerdân mest

Pâdişehün korkarum irer mübârek gûşına

Bülbül-i şûrîde Yahyâ itmesün efgân mest