Çeşm-i pür-hûnum yoluñda eşk-bâr itsem gerek

Çeşm-i pür-hûnum yoluñda eşk-bâr itsem gerek

Ayaguñ tozına gevherler nisâr itsem gerek

Gül gibi pîrâhen-i nâmûsı sad-çâk eyleyüp

Lâleveş dâg-ı nihânum âşikâr itsem gerek

Kırma yazıyla rakîbuñ dişleri vasfın yazup

Nusha-i çeşmi sevâdın pür-gubâr itsem gerek

Eyleyüp zühdüñ binâ-yı süst-bünyâdın harâb

Hâne-i ‘ aşkuñ esâsın üstüvâr itsem gerek

Bezm-i kesretden çekildi câmveş Bâkî göñül

Tekye-i vahdetde ‘ uzlet ihtiyâr itsem gerek