Çekdi zencîre beni ‘aşkuñ nitekim şîrler

Çekdi zencîre beni ‘ aşkuñ nitekim şîrler

Eşk-i çeşmüm iki yanumdan iki zencîrler

Na'l kesmiş farkına her biri olmış sîne-rîş

Nâvek-i müjgânuñuñ efgendesidür tîrler

Yanına alsun diyü kâfir gözüñ gamzeñ gibi

Girdiler şimdi çelîpâ şekline şemşîrler

Şu’ le-i şem’ -i cemâli şevkine cem’ oldılar

Bir çerâg idindiler ol nev-cevânı pîrler

İrmege subh-ı visâl-i yâre hergiz çâre yok

Bâkıyâ âfâkı tutdı nâle-i şeb-gîrler