Âşıkım şûrîdelik ârâm-ı cânımdır benim

Âşıkım şûrîdelik ârâm-ı cânımdır benim

Gamze-i dilber belâyı nâgehânımdır benim

Gamzeden kim havf eder zülfü hevâdâr olmasa

Gamze zîrâ hemdem-i râz-ı nihânımdır benim

Ben girîbânçâk-ı mest-i câm-ı istiğnâ-yı aşk

Fitne hizmetkâr-ı dâmen dermeyânımdır benim

Bülbül-i gülzâr-ı aşkım sîne-i pür dâğ ile

Nevşüküfte gonca-i dil âşiyânımdır benim

Hânümânsûz-ı dilim girdâba düşmüş âteşim

Halka halka turra-i dilber duhânımdır benim

Âteş-i aşkım ki deryâlar söyündürmez beni

Nokta-i dâğ-ı süveydâ dûdmânımdır benim

Nutka gelsem Nefî-i muciz demim Îsâ gibi

Beyt-i mamûr-ı maânî hânümânımdır benim