Âşıkam kevn ü mekânıñ nakşına dil virmezem

Âşıḳam kevn ü mekânıñ naḳşına dil virmezem

Ṣâdıḳam rûy-ı ẕemîniñ bendine bil virmezem

Küntü kenziñ sırrına çün maḥrem oldı cânımuz

Ẕât-ı Ḥaḳdan ġayrıya meyl-i muḳâbil virmezem

Dü cihânıñ miḥnetinden ġam yimezem yek nefes

Dem-be-dem ẕikrim Hûdur ġayrıya göñül virmezem

Varlıġım aldı benüm yoḳluḳ ki bir var eyledi

Yoḳluġı yoḳ vara irdüm vara ma‘zûl virmezem

Vâridâtıñ pertevidür dilimiñ şerḥ itdügi

Söylerem sözüm ‘ayân araya müşkil virmezem

Aşḳ-ıla dîẕâr içün olmaḳ fenâ faḫrım-durur

Zühd-ile ġılmân içün ma‘mûre göñül virmezem

İblîs-i la‘în ider iġvâ diler bula ẓafer

Tevḥidim siper olupdur düşmâna yol virmezem

Ol ḥaḳîḳat bülbüline diñ beri gelsün beri

Dôṣt bâġına bâġbânem ġayrıya ben gül virmezem

Dir Sinân Ümmî oḳudum ẕikr-i ḳalbîden sebaḳ

İlm-i esrârdur sözüm ḳâl ehline ḥâl virmezem