Âşık ki gördü hatt-ı ruh-ı nev-demîdesin

Âşık ki gördü hatt-ı ruh-ı nev-demîdesin

Sâyîde etdi sürme-i hayretle dîdesin

Hat sanmanız ruhundaki yazmış debîr-i sunʿ

Bir al kâğıd üstüne sünbül kasîdesin

Zâhid görünce tarz-ı şeker-hand-ı laʿlini

İkrâr-ı cevher eyledi bozdu akîdesin

Bâd-ı semûm-ı âhıma döymezsin el-hazer

Sen ey nihâl-i nâz dahı nev-resîdesin

Seyr eyle bâğbân-ı galatkârın ey gönül

Zülf-i nigâr dediği gîsû-bürîdesin

Nîreng-hûrdedir o perîden Nedîm-i zâr

Bî-çâre gamze anladı çeşm-i perîdesin