Âsafâ ikbâlini Allah câvîd eylesin

Âsafâ ikbâlini Allah câvîd eylesin

Sâye-i lutfunda her gün ehl-i dil ıyd eylesin

Ehl-i nazmın hâmesi nakş-ı nevâ-yı midhatin

Cünbiş-âmûz-ı ser-i mızrâb-ı nâhîd eylesin

Hâksârân-ı gama miʿmâr-ı cûd u himmetin

Gurre-i şevvâli cüft ü tâk-ı ümmîd eylesin

Sâgar-ı âmâl-i ehl-i tabʿı feyz ü re'fetin

Reşk-sâz-ı sâgar-ı zerrîn-i Cemşîd eylesin

Niʿmet-i lutfunla sîr olsun Nedîm-i telh-kâm

Sâye-i lutfunda erbâb-ı hüner ıyd eylesin