Ârif ol ehl-i dil ol rind-i kalendermeşreb ol

Ne müselmân-ı kavî ne mülhid-i bîmezheb ol

Akla mağrûr olma Eflâtûn-ı vakt olsan eğer

Bir edîb-i kâmili gördükte tıfl-ı mekteb ol

Âfitâb-ı âlemârâ gibi sür hâke yüzün

Kevkebe bastır cihânı hem yine bîkevkeb ol

Lâmekân ol hem mahallinde yerin bekle yine

Gâh mihr-i âlemârâ gâh mâh-ı Nehşeb ol

Âşık ol ammâ alâyıktan berî et gönlünü

Ne ham-ı gîsûya meftûn ne esîr-i gabgab ol

Hızr’a minnet çekme var sonra dil-i Nefî gibi

Lüle-i âb-ı hayât-ı feyz ile lebberleb ol

Son Yazılar