Âlemde zerre deñlü degülken vücûdumuz

Âlemde zerre deñlü degülken vücûdumuz

Müşkil budur ki zerreden artuk hasûdumuz

Evtâr-ı çeng-i bezm-i safâdur sanur gören

Künc-i belâda gözden akan iki rûdumuz

Tâc-ı zümürrüdî görinür var ise meger

Bâlâ-yı serde illere dûd-ı kebûdumuz

Zer-beft câme geydi ser-â-ser sanur gören

İtse ihâta cismümüzi yanar odumuz

Bâkî metâ’-ı nazm ile bâzâr-ı dehrde

Cevr-i li’âm u mihnet-i eyyâm sûdumuz