Âkıbet gönlüm esîr etdin o gîsûlarla sen

Hey ne câdûsun ki âteş bağladın mûlarla sen

Gamze-i fettânını koydun ki yıkdı âlemi

Bahse dalmışken çeh-i Bâbilde câdûlarla sen

Böyle çâpük geldin ey hatt-ı siyeh ruhsârına

Var ise pervâza meşk etdin piristûlarla sen

Ben mi sâki olayım bezme dururken sevdiğim

Böyle sîmin saklar billûr bâzûlarla sen

Görmeden mecnûnların sahrâdaki cemʿiyyetin

Sevdiğim meşk-i nigâh eylerdin âhûlarla sen

Serv-i dil-cûyumdan ayrı geşt-i gülşen istemem

Var yürü istersen ey eşk-i revân cûlarla sen

Nâzdan hâmûşsun yohsa zebânın duymadan

İstesen bin dâstân söylersin ebrûlarla sen

Şûhdur tâ şöyle reftârın ki fark etmez bakan

Şöyle gitsen serv-i âzâdım akar sularla sen

Bü'l-aceb ayyâr-ı efsungersin ey kilk-i Nedîm

Çok tabiʿat ser-hoş eylersin bu dârûlarla sen

Son Yazılar