Âh u feryâd ile dil her zamân dâd ister

Kahramân-ı nigehi hışm ile cellâd ister

Olmaz ol gamze-i cellâd gibi bir âfet

Ki ne tîg-ı müje ne hançer-i pûlâd ister

Dil ise bend-i ham-ı silsile-i zülfünde

Ne döyer mihnete ne cânını âzâd ister

O sitemkâr-ı dilâşûb ise dildâdesini

Dâimâ bend-i belâ çekmeğe mutâd ister

Kimse taklîd edemez sözde sana ey Nefî

Böyle pâkîze gazel tab-ı Hudâdâd ister

Kimsede tab-ı Hudâdâd bulunmazsa eğer

Kilk-i allâme-i âlem gibi üstâd ister

Müftî-i mucizeperdâz ki idrâkinden

Akl-ı küll vâdî-i endîşede imdâd ister

Nef'î

Son Yazılar