Zülf-i pür-çînün gamından dîde kim pür âb olur

Zülf-i pür-çînün gamından dîde kim pür âb olur

Her ne bahre kim düşerse katresi gird-âb olur

Göz yumup açınca turmaz gelse dil-ber hâneme

Baht-ı bî-dâr olmasa devlet hayâl-i hâb olur

Yâre açsa sîneye dil-ber gelür câna ferâh

Aşık-ı bî-çâreye ol yâre feth-i bâb olur

Eşk-i `âşıkdan hazer kıl ey cevân-ı tünd-hû

Kim niçe ma mûreler vîrân ider seyl-âb olur

Bir dile Yahyâ tokunsa pertev-i feyz-i Hudâ

Zerre-i nâ-çîz iken hurşîd-i âlem-tâb olur