Zühd ü riyâ metâ`ını yârâna satmanuz

Zühd ü riyâ metâ`ını yârâna satmanuz

Anlara ol kumâş çıkışmaz uzatmanuz

Az âb u tâb virmedi bezm-i mahabbete

Mecnûn-ı nâ-murâdı da yâbâna atmanuz

Besdür ruh u lebi bize anman gül ü müli

Billâh câm-ı ayşımuza zehr katmanuz

Rez duhterini sâkî-i devrâna buldurun

Böyle şeb-i dırâzda gussayile yatmanuz

Ham itdünüzdi kâmet-i Yahyâ'yı yâ gibi

Lâyık mı tîrveş anı yâbâna atmanuz