Zâhidâ ibret gözin aç sûret-i zîbâya bak

Zâhidâ ibret gözin aç sûret-i zîbâya bak

Bir nazar âyîne-i sun’ -ı cihân-ârâya bak

Dildür ol bahr-i hakîkatden vücûdun mülkine

Şol derûnuñ ‘ âleminde mevc uran deryâya bak

Baht-ı bî-bünyâd içün renc-i talebden fârig ol

Bâri bir kaç gün huzûr-ı kalb ile dünyâya bak

Câmveş kimdür bu bezm içre ciger-hûn olmayan

Gonca-i gülzârı seyr it lâle-i hamrâya bak

Hâl-i zâr-ı Bâkî-i bî-dilden isterseñ nişân

Kâmet-i çeng-i dü-tâya rûy-ı zerd-i nâya bak