Zulmet-i hicrinde bidâr olmuşam yâ Rab meded

İntizâr-ı subh-ı didâr olmuşam yâ Rab meded

Gülşen-i vaslın nesimin irgürüp bâd-ı sabâ

Andelîb-i bâğ-ı gülzâr olmuşam yâ Rab meded

Kalmışam zindân-ı cism içre bugün tenhâ garib

Bu kafesde rûz u şeb zâr olmuşam yâ Rab meded

Şol şarâbı kim anı sundun bana rûz-ı elest

Ol zamândan mest-i hûşyâr olmuşam yâ Rab meded

Her nere varsam yakar bu cânımı aşk ateşi

Yana yana külli pür-nâr olmuşam yâ Rab meded

Vahdet ilinde seninle yâr idim noldu bana

Kesret içre bend-i ağyâr olmuşam yâ Rab meded

Bu Niyâzî düşdü varlık câhına Yûsuf gibi

Al elim kurtar ki nâçâr olmuşam yâ Rab meded

Son Yazılar