Zevâle gün salındı Kal'a-i Van alındı

Zevâle gün salındı Kal'a-i Van alındı

Bâtıl vücûd dolundı vücûd-ı Hak bulundu

Vücûd-ı insâna cân muhakkak oldu sultân

Şeytânı sürdü Rahmân levhden ismi silindi

Bir mahfî sehhâr idi kattâl ü cebbâr idi

Câdû-yı mekkâr idi câdûluğu bilindi

Tevbe ederdi hayra niyyet ederdi şerre

Küp olmuş idi hamra hamrın küpü delindi

Sevmezdi ol beşeri âm idi hep zararı

Ehl-i Hakk'ın ciğeri dilim dilim dilindi

O zâlimin elinden çıkdı çoğu yolundan

Cüdâ düşüp ilinden defterleri çalındı

Yezîd-i bed-nâm idi ilimde hâhâm idi

İt idi bel'âm idi taşra dili salındı