Zehî cây-ı ferah-bahş safâ-güster hayât-efzâ

Zehî cây-ı ferah-bahş safâ-güster hayât-efzâ

Nebâtından yese bir mürg ola ol tûtî-i gûyâ

Behiştün kıt`ası dirdüm velî reşk-i behişt olmuş

Kudûm-ı pâdişâh ile bu nüzhetgâh-ı bî-hemtâ

Suyın kevser diyü nazmında ögmüş ol şeh-i `âdil

Hoşâ pâkîze-nazm-ı rûh-bahş âb-ı letâfet-zâ

Ilâhî Hazret-i Sultân Murâd'a `ömr-i sermed vir

Musahhar ola ana tâ ebed dünyâ vü mâ-fihâ

Diye ihlâs ile yerde beşer gökde melek âmîn

Du`â itdükçe ol şâh-ı cihâna sıdk ile Yahyâ