Yüzüñdür kıble-gâh-ı ehl-i hâcât

Yüzüñdür kıble-gâh-ı ehl-i hâcât

Kaşuñuñ tâkı mihrâb-ı münâcât

Ne güherdür ki kimse agzuñı bilmez

Meger kim âlim-i sırr u hafiyyât

Gözüñ mekrinin kimse defc idemez

Meger ol dâfi-i zurr u beliyyât

Saçuñ-ıla kadün vasfına irmez

Niçe çoh uzanursa ibârât

Visâlüñi hayâl ider dil ü cân

Çog olur âşık olanda hayâlât

Saña ihlâs-ıla yüz dutmışam kim

Seni görmek-durur asl-ı ibâdât

İrâdetle yoluña virürek cân

Mürîd olan saña bulur mürâdât

Gözüñ kanın dökem dir Ahmedînüñ

Kosun te’hîri ki e’t-te’hîrü âfât