Yâre derdim diyemem bezm-i şarâb olmayıcak

Yâre derdim diyemem bezm-i şarâb olmayıcak

Cürmüm ikrâr edemem mest-i harâb olmayıcak

Âfitâb ol ruh-ı pür tâba nazîr olsun mu

Bu yakar âlemi bir lahza nikâb olmayıcak

Cezbe-i hüsnü gönül hattına talîk eyler

Nice hall etmek olur anı kitâb olmayıcak

Tutalım rûz-ı şumâr olsa kim eyler davâ

Ettiğin zulme senin hadd ü hisâb olmayıcak

Sen bu rüsvâlığı ey Nefî komazsın elden

Yârdan yine sana hışm u itâb olmayıcak