Yâr nerm oldukça geldi sîne-i efgâra hazz

Yâr nerm oldukça geldi sîne-i efgâra hazz

Merhem oldukça mülâyim andan eyler yâra hazz

Nûş-ı dârû-yı lebündür haste-i aşka devâ

Şerbet-i vaslundan olur âşık-ı bîmâra hazz

Ayşdan bî-behreyüz zevk u safâdan bî-nasîb

Çünki geldük âleme itsek ne var bir pâre hazz

Bed-nihâd ehl-i dili âzâra lâzım mı sebeb

Bülbül-i şeydâya zahm urmakda var mı hâra hazz

Mihnet-i derd ü belâ hep hazz-ı ruhânî olur

Çekdügüm âlâmdan Yahyâ gelürse yâra hazz