Yâr açup mir'âtı bakdukça açılmış gül sanur
- Enes
- 4 Ara 2019
- 1 dakikada okunur
Yâr açup mir'âtı bakdukça açılmış gül sanur
Aks-i la`lin sâgar-ı la`line konmuş mül sanur
Gûşe-i destârda sünbül görüp meftûn olur
Dil anı tarf-ı külâhından çıkan kâkül sanur
Çîn harâcı zülfinün bir târına olmaz bahâ
Müşterî olur dil-i şeydâ anı sünbül sanur
Nagmeler eylerken ol mahbûb-ı zîbâyı gören
Şâh-ı gülde bir yire gelmiş gül ü bülbül sanur
Tâze güllerle görüp Yahyâ nihâl-i gülşeni
Meyl ider bî-ihtiyâr ol ârızı kâkül sanur
Comments