Yâd ile ey bî-vefâ ‘âlem-i âb itdiñ âh

Yâd ile ey bî-vefâ ‘âlem-i âb itdiñ âh

Zevk-i cihânı baña rûz-ı hisâb itdiñ âh

Pîr-i meye müjdeler çekmeye gayri keder

Kan döküyor dîdeler eşki şarâb itdiñ âh

Añmaz olup adımı bu dil-i nâ-şâdımı

Nâle vü feryâdımı nây u rebâb itdiñ âh

Rûy-ı rakîbe bakup bâdeyi bensiz çakup

Cânımı nâra yakup bezme kebâb itdiñ âh

Bâde-i bezm-i elest itdi bu Leylâ'yı mest

Hâtırın idüp şikest sen de harâb itdiñ âh