Yâ İlâhî vir dimâġa dile zikriñ lezzetin

Yâ İlâhî vir dimâġa dile ẕikriñ leẕẕetin

Söyledükce ‘âciz it ġayrı kelâmıñ keṯretin

Yâ İlâhî ḳalbe inzâl eyle fikriñ leẕẕetin

Gayrı şeyden çekmesin göñül tefekkür zaḥmetin

Yâ İlâhî ḳıl revâ rûḥ-ıla nefsiñ vaḥdetin

Adle irgür bâṭın ilinde ḳovalar şiddetin

Yâ İlâhî Aḥmed ü Maḥmûd Muḥammed Muṣṭafâ

Ḥurmeti-y-çün ḳıl müyesser sırr-ı ẕâtıñ vuṣlatın

Yâ İlâhî bu Sinân Ümmî temennâ ḳılduġı

Ḥażretiñden istemez illâ ki yoḳluḳ devletin