Yâ İlâhî vahdetiñ bir haddi yok ‘ummân mıdur

Yâ İlâhî vaḥdetiñ bir ḥaddi yoḳ ‘ummân mıdur

Yâ ḳulum sen geldügüñ yol her ḳula âsân mıdur

Yâ İlâhî dâr-ı ‘izzet dinilen menzil nedür

Ḳıldıġım saña hidâyet herkese iḥsân mıdur

Pâdişâhım çâresizler derdine dermân nedür

Añlama ‘aşḳım benüm her dertsüze dermân mıdur

Pâdişâhım her ḳuluñda yoḳ mıdur ‘ilm ü kemâl

Ṣaḳla râzıñ, her şeye ben virdügüm ‘irfân mıdur

Luṭf idüp her ḳula ḳılsañ vaṣlıñı iḥsân n’ola

Açma bu sırrı saḳın her gördügüñ insân mıdur

Muṣṭafânıñ ḥurmetiyçün eyleme senden cüdâ

Ġam yime sen her kişi baña ulu burhân mıdur

Vir Sinân Ümmîye sen bir toġrı yol dergâhıña

Fażlıñ olmasa yolumda ḳurduġı erkân mıdur