Yâ İlâhî ‘aşk elinden olmadum bir kez emîn

Yâ İlâhî ‘aşḳ elinden olmadum bir kez emîn

Aġladup her gâh gâhi aḳıdur gözüm nemin

Key ża‘îfem ḳapuña geldüm ġarîbem key ḥaḳîr

Çâresin senden umaram işbu zaḫmıñ merhemin

Bende benlik ḳalmadı hep cümlesi ḳıldı firâr

Bu göñül mülkin ḫalâṣ itdi yudı ‘âr nâmusın

Ḥasret ü nâr-ı ḥarâretiñ beni ḳıldı ża‘îf

Fażlıña bel baġladum ḳaldum yâ Rabbe’l-‘âlemîn

Sen hidâyet ḳıl bu yolda cân u baş olsun fedâ

Ḥurmetine ḳurbetine ṣâdıḳu’l-va‘dü’l-emîn

Ey Ḫudâyâ senden artuḳ Ḫâliḳım yoḳ bî-gümân

İşbu resm-ile ki her bir derdime sensin żamîn

Niçeler eydür ki dünyâ niçeler eydür beḳâ

Bu Sinân Ümmî hemîşe dâyim Allâh dir hemîn