Yine bâlîn-i hâb-ı işve zîr-i ser midir bilmem

Henüz ol tıfl-ı nâzım nakş-ı gül-bister midir bilmem

Perîşân oldu gitdi nağmeler gördükçe gîsûsun

Meger mutrıb da ol zencîre der-çenber midir bilmem

Müdâvâ-yı dil-i mecrûha bür'ü's-sâʿadır el-hak

Zülâl-i laʿl-i hatt-âverdi nîlüfer midir bilmem

Bilinmez ölmedikçe kadri isbât-ı vücûd etmez

Mihekk-i nakd-ı âşık âhenin hançer midir bilmem

Hemân ben meclis-i meyde senin hayrânınam sâkî

Hazef mi gördüğüm âyîne mi sâgar mıdır bilmem

Dimâğ-ı cânı reşk-i bender-i Çîn eyledi cânâ

Şemîm-i gîsûvânın genc-i bâd-âver midir bilmem

Nedîm el-hak aceb şîrîn edâsın vasf-ı laʿlinde

Elinde hâme-i maʿnî mi ney-sükker midir bilmem

Son Yazılar