Yeter itdün sitemi bu dil-i şeydâya yeter
- Enes
- 7 Ara 2019
- 1 dakikada okunur
Yeter itdün sitemi bu dil-i şeydâya yeter
Itdügün cevr ü cefâlar bana dünyâya yeter
Olmazız minneti altında çenâr u servün
O sehî kadd ki sala üstümüze sâye yeter
Âlemün hüsnini âdem nice inkâr itsün
Hüsnün ey gonce-dehen `âleme pîrâye yeter
Yalınuz yügrügidür şimdi bu meydânun o şâh
Katı bir dil-ber-i ra`nâ o dil-ârâya yeter
Az zamânda nice bin derd kazan ey Yahyâ
Nakd-i eşkün ruh-ı zerdün sana ser-mâye yeter
Comments