Yaşumuz dökmege ol dürr-i ‘Adendür bâ’is

Yaşumuz dökmege ol dürr-i Adendür bâ’is

Göñlümüz düşmege ol çâh-ı zekandur bâ’is

Turra-i tâli’ umuñ böyle perîşanlıgına

Yine ol zülf-i pür-âşûb u fitendür bâ’is

Sünbülüñ niyyetidür başuma sevdâ getüren

Çekdügüm mihnete göñlümde bitendür bâ’is

Rûh-ı pâk ol yirüñ eflâk ola mânend-i Mesîh

Kalmaga hâk-i mezelletde bu tendür bâ’is

Kafes-i gamda yatur tûti-i tab’-ı Bâkî

Çekdügi kahra anuñ lutf-ı suhandur bâ’is