Yanarsam nâr-ı ‘aşkıñla yanayım yâ Resûlallâh

Ezelden bagrı yanık bir gedâyım yâ Resûlallâh

Hevâ-yı nefsime tâbi‘ olup pek çok günâh itdim

Huzûra kangı yüz ile varayım yâ Resûlallâh

Harîm-i ravzaña sürmüş iken rûy-ı siyâhım vâh

Yine cürm ü günâha mübtelâyım yâ Resûlallâh

Kapıñda boynı baglu bir esîrim dest-gîrim ol

Garîbim bî-kesim bî-dest ü pâyım yâ Resûlallâh

Kuluñ Leylâ'ya şâhım var iken dergâh-ı ihsânıñ

Varup ben kangı şâha yalvarayım yâ Resûlallâh

Son Yazılar