Yakıp aşk oduna cânı meşâmın bûyu tevhîd et

Yakıp aşk oduna cânı meşâmın bûyu tevhîd et

Kamuya yek nazar birle şuhûdun rûyu tevhîd et

Şu mâhiler gibi kendini deryâdan cüdâ sanma

İhâta eylemiş her yana bak her sûyu tevhîd et

Salınma câh-ı taklîde su'ûd et arş-ı tahkîke

Sana senden sefer eyle seni sen duy u tevhîd et

İzâfâtı bırak gözden açılsın dîde-i hak-bîn

Temâşâ-yı cemâl-i şâhidi dîl-cûyu tevhîd et

Salât-ı ehl-i kurbun kıblesidir semme vechu'llah

Niyâzî durma dâim secde-i ebrûyu tevhîd et