Var mı bir dîvâne kim geşt-i beyâbân istemez

Var mı bir dîvâne kim geşt-i beyâbân istemez

Uzlet idüp halkdan bir beyt-i ahzân istemez

Fakr küncin ihtiyâr itdi şu kim kâni’ olur

Şem'ası şems olsa bakmaz tâk-ı eyvân istemez

Dûd-ı âhın serv idüp kanlu yaşın gülşen bilen

Eylemez serve nazar seyr-i gülistân istemez

Hoş gelür aña rebâb âvâzesi gavgâsı yok

Pâdişâh-ı aşk olanlar kûs-ı hâkân istemez

Derd-i yâr ile şunuñ kim başı hoşdur Bâkıyâ

Ölmege cânlar virür derdine dermân istemez