Umup nigâh der-i dil-rübâya yüz sürerüz

Umup nigâh der-i dil-rübâya yüz sürerüz

Ayagına düşerüz ol ricâya yüz sürerüz

Yolunda çekdügümüz bir bir eylerüz takrîr

Sabâ ile varuruz hâk-i pâye yüz sürerüz

Meger ki gûşe-i dâmân-ı dil-rübâ sanuruz

Görince sâye-i per-i hümâya yüz sürerüz

Dökülse rûyına estâr-ı Ka`be zann iderüz

Tevâzu`yile o zülf-i dü-tâya yüz sürerüz

Egerçi devlet-i pâ-bûsına irmedük Yahyâ

Misâl-i na`l-i resûl-i Hudâ’ya yüz sürerüz