Tûtiyâdan topragum vakt ola tercîh ideler

Tûtiyâdan topragum vakt ola tercîh ideler

Rindler sâgar düzüp zühhâd tesbîh ideler

Kalb ise dil gam degül hükm idicek sultân-ı aşk

Nakd-i vakt idüp belâ odıyla tashîh ideler

Gamze-i hûn-rîz-i dil-ber şöyle meşhûr ola kim

Tîg ü hançer vasf idenler ana telmîh ideler

Müdde`îden âşık-ı sâdık niçün fark olmaya

Hûblar olmaz mı kim uşşâkı tenkîh ideler

Besdür ol şâha gedâ-yı kûyun unutma dimek

Dostlar lâzım degül Yahyâ'yı tasrîh ideler