Tîğ-i ebrû-yı siyehkârına kurbân olayım

Tîğ-i ebrû-yı siyehkârına kurbân olayım

Hançer-i gamze-i ayyârına kurbân olayım

Biricik söyle amân nâz ile öldürme beni

Ben senin şîve-i güftârına kurbân olayım

Sîneme zahmı sen açdın yine etdin inkâr

O tebessüm ile inkârına kurbân olayım

Desem ol şûha çözerken kemerin mestâne

Sevdiğim hançer-i gaddârına kurbân olayım

Ben de ey şûh Nedîmâ gibi billah senin

Bend-i gîsû-yı girîh-dârına kurbân olayım