Tâ ki çalındı gûşıma hayyâ `ale'l-felâh-ı `aşk

Tâ ki çalındı gûşıma hayyâ `ale'l-felâh-ı `aşk

Câm-ı sabûhı eyledüm râtibe-i sabâh-ı aşk

Dûr u dırâz-ı râhdur degme hamâma varamaz

Ola meger ki nâme-ber mürg-i sebük-cenâh-ı aşk

Itme `azîmet ey gönül kûyına tîg-ı âhsız

Korkulu yoldur ugrama olmayıcak silâh-ı aşk

Rind hemîşe pür-tarâb olsa ta`accüb eylemen

Kîse tehî ise ne var kâsesi tolu râh-ı aşk

Çün ola meyle pür kadeh bil anı mâye-i ferâh

Nûş ide gör hemîşe Yahyâ bu imiş salâh-ı aşk